USHAIRI: SHAIRI LA ARUDHI

SOMA SHAIRI HILI KISHA UJIBU MASWALI YANAYOFUATA (ALAMA 20)

MFANO WA SHAIRI LA ARUDHI

      

Ulimwengu ulimwengu, ulimwengu naratibu

Yaliyo kichwani mwangu, nataka kuyahutubu

Wayasome ndugu zangu, wa mbali na karibu

Cha wenye raha na taabu, ulimwengu ni kiwanja.

Ulimwengu ni kiwanja, chenye raha na tabu

Wengine wanajikonja, kwa wengine ni adhabu

Kuta na kucha twahanja, kutafuta matulubu

Cha wenye raha na tabu, ulimwengu ni kiwanja.

Ni uwanja wa balaa, aliniusia babu

Mna mambo yamejaa, ya faraja na kusibu

Na machache ya kufaa, ila mengi ya udubu

Cha wenye raha na tabu ulimwengu ni kiwanja.

Ni kiwanja cha Amina, Saidi Ali Rajabu

Wengune kitu hatuna, tunaishia kababu

Wale wamejaza sana, wanashindwa kuhesabu

Cha wenye raha na tabu, ulimwengu ni kiwanja.

Ni uwanja wa urongo, na kweli pia ajabu

Kichwa hudanganya shingo, tumbo kiuno chasibu

Usitumai ubongo, wa nduguyo na swahibu

Cha wenye raha na tabu, ulimwengu ni kiwanja.

Ni uwanja wa walevi, pombe kwao ni dhahabu

Mara vile mara hivi, wakilewa majudhubu

Maneno ya kiujuvi, hujipaka hata shabu

Cha wenye raha na tabu, ulimwengu ni kiwanja.

Ni kiwanja wenye dini, watiio Wahabu

Mashekhe misikitini, humo hufanya muhibu

Mapadri kanisani, huvihubiri vitabu

Cha wenye raha na tabu, ulimwengu ni kiwanja.

Ni uwanja wa malofa, lofa mtu mwenye tabu

Kusema sana kashifa, na moyo kisebusebu

Tunakaribia kufa, kwa kushindwa kujimudu

Cha wenye raha na tabu, ulimwengu ni kiwanja.

Ni uwanja wa faraja, alowajali habibu

Na mengine sitotaja, msinambe nina gubu

Ni uwanja wa viroja, vigumu kuvikutubu

Cha wenye raha na tabu, ulimwengu ni kiwanja.

MASWALI

a.      Lipe shairi hili anwani mwafaka. (al. 1)

b.     Ainisha shairi hili katika bahari mbili na utoe dhibitisho. (al. 2)

c.      Bainisha uhuru wa mtunzi wa shairi hili (al. 2)

d.     Eleza muundo wa shairi hili. (al. 5)

e.      Andika ubeti wa tano kwa lugha tutumbi. (al. 4)

f.       Fafanua mbinu zozote mbili za uandishi zilizotumika katika shairi (al. 4)

g.      Eleza maana ya maneno yafuatayo kama yalivyotumika takika shairi.(al. 2)

i. Balaa

ii. Kisebusebu

##Kwa  Tumbo lisiloshiba, GUZA HAPA ##

BONYEZA HAPA KWA CHOZI LA HERI

BOYFA HAPA KWA MAUDHUI TAWALA KATIKA TUMBO LISILOSHIBA

BONYEZA HAPA KWA NGELI

Uliza swali moja kwa moja kupitia <WHATSAPP>

POST A COMMENT DOWN THERE 👇